Тус газраас Мөрдөн байцаах албаны түүхт 71 жилийн ойн тэмдэглэлт өдрийг 2017 оны 09 дүгээр сарын 12-ны өдөр Цагдаагийн газрын жагсаалын талбайд зохион байгуулж, аймгийн Хууль эрх зүйн хэлтсийн дарга Д.Уранчимэг болон тусгайлсан чиг үүрэг бүхий байгууллагуудын удирдлагууд Цагдаагийн газрын ахмадууд, алба хаагч нарын гэр бүл, ард иргэд оролцлоо. Мөн Монгол улсын гавьяат хуульч, цагдаагийн хурандаа Д.Бадамдорж агсны нэрэмжит цэцэрлэгт хүрээлэнд байрлах гэрэлт хөшөөнд цэцэг өргөх ёслолын ажиллагааг зохион байгуулж, Мөрдөн байцаах албанд үр бүтээлтэй ажиллаж, ажлын амжилт гаргасан алба хаагчдыг аймгийн болон цагдаагийн газрын даргын шагналаар шагнасан.