Тус газраас Цагдаагийн ерөнхий газрын 2017 оны үйл ажиллагааны төлөвлөгөөний 48, 57 дугаар заалтууд, аймгийн Иргэдийн төлөөлөгчдийн хурлын 118, 148 дугаар тогтоолуудын хэрэгжилтийг хангуулах чиглэлээр аймгийн Засаг даргаар батлагдсан “Хууль тогтоомжийн хэрэгжилтэд хяналт, шалгалт хийх” удирдамжийн дагуу аймгийн Хууль эрх зүйн хэлтэстэй хамтран Баянхонгор суманд үйл ажиллагаа явуулж байгаа төрийн болон төрийн бус байгууллага, аж ахуй нэгжүүдийн хяналтын камер, “Согтууруулах ундаа худалдах түүгээр үйлчлэх тусгай зөвшөөрөл олгох, сунгах, түдгэлзүүлэх, хүчингүй болгох журам”-ын хэрэгжилтийг шалгаж байна.